Por plezuro de la virinoj  13 marto 2005     

Tiun "varman" poemon de s-ro Edward Jaśkiewicz sendis al ni s-ino Lidia BOGUSZ, prezidantino de la E-Klubo en Szczecin.
 

Tiun "varman" poemon sendis al ni s-ino Lidia BOGUSZ, prezidantino de la E-Klubo en Szczecin.

Koran dankon al ŝi kaj gratulon al la aŭtoro
Maria Majerczak

ILEI

---------- Plusendita mesaĝo----------
Elkore mi dankas al ILEI pro sendo de la bela poemo por virinoj kaj samtempe mi sendas poemon, kiun skribis nia klubano Edward Jaśkiewicz.
Kun amika saluto      

Lidia

 

 

  INTERNACIA TAGO DE LA VIRINOJ

Kvankam jam forpasis la Virina Tago

tamen ni – la viroj, volas ĝin memori

kaj konservi ja ĝin en nia imago.

Kaj ne nur hodiaŭ ree ĝin honori.

Sed konstante dum ĉiuj jarsezonoj

flegi nian amon al vi, ho reĝinoj

de koroj niaj, Vi niaj vivkronoj!

En komuna sorto la dividantinoj.

Sen Vi nia vivo aspektus mizera,

sensenca, malgaja, tute ne valora.

Nur Vi nin instigas al heroec' vera,

aŭ kontraŭe, ankaŭ al la ag' horora.

Ke Vi al diablo servas oni diras,

ĉar en paradizo tentis Vi Adamon,

tamen ĉiuj viroj al Vi tre sopiras,

forlasante „Eden" preferas la amon.

Ho, steloj brilantaj sur nia ĉielo,

kiujn ni postkuras – blinde obeante!

Gvidu nin tra l' vivo al ĝia kroncelo

volupton de l' vivo plu eternigante.
                  

      Verkis: Edward Jaśkiewicz, Szczecin

 

antaŭa paĝo

supren