Historio

Ni starigis la interretan "Novaĵservon de Pola Sekcio de ILEI" en febr.2005.

Ĝi daŭrigis nian informadon pere de "LIGILO de la Pola Sekcio de ILEI", kiu aperadis ekde 1996.

Antaŭ ol la novaĵservaj informoj povis aperi en la retpaĝo de la Pola Sekcio de ILEI, funkciis nia retmesaĝa kaj SMS-a servo.  Daŭre aperadis - en elektronika versio - „Ligilo" por la polaj ILEI-membroj kun aldonaj, eksternovaĵservaj informoj, artikoloj kaj aliaj materialoj.

Ekde la komenco la Novaĵservo havas du fakojn:

- Informoj el la lando;

- Informoj el la mondo.

Nun 

Nun la informojn de la Novaĵservo oni povas legadi en nia retpaĝo. Oni povas ankaŭ ricevadi ilin retpoŝte. Por peti senpagan abonon, bv. sendi vian retadreson al: "Novaj'servo de Pola Sekcio de ILEI" < piotr.espm@gmail.com>.

LA CELO de la Novaĵservo estas:

1.  LIVERADI  al la polaj ILEI-membroj, kunlaborantoj, aliaj polaj esperantistoj, studentaj E-rondoj, al la Estraro kaj Komitato de ILEI mondskala kaj foje al diverslandaj esperantistoj

·    akiritajn de ni  INFORMOJN PRI GRAVA AGADO DE POLAJ instruistoj, universitataj medioj kaj aliaj esperantistoj,

·    informojn pri faktoj  EL EKSTERLANDO, kiujn ni havos eblecon prilabori dank'al kontakto kun la koncerna realo;

 

2.  PERADI  al la polaj instruistoj, kunlaborantoj, studentoj GRAVAJN INFORMOJN EL LA TUTA MONDO.

La ĉefa objekto de nia intereso estas

·    faktoj inspirantaj agadon kaj        

·    informoj pri la prestiĝo de Esperanto, 

     utilaj en informado pri la Internacia Lingvo,

 

3.  ORGANIZADI / KUNORDIGADI  iujn agojn.

     Kiel videblas, nia celo estas   

     I N S P I R A D I   A G A D O N.

 

La Novaĵservo ne havas ankoraŭ nomon… Eble vi havas ideon…?

 

La Novaĵservon ekde la komenco gvidas Maria Majerczak, pri dissendado de informoj okupiĝas ankaŭ Piotr Nosek.

Kunlaborantoj serĉataj. Serĉata estas ankaŭ persono kun ĵurnalisma sperto, kiu transprenus la (atentu, ege temporaban!) gvidadon.

antaŭa paĝo

supren